Thursday, June 7, 2012

මරණයට පෙරාතුව.....

'මගේ කාමරයේ ලොකු අලියෙක් හිටියා මතකද?'

මගේම මතකයන්
අහනවා මගෙන්ම.....

මිරිකිලා වේදනාවෙන්
අඬන හදවත මගෙන්
ඉල්ලන්නේ හිනාවක්
එ'කඳුළු සඟවන්න.....

'කානගී මෙලන්'
හද රැඳි සරසවියෙන්
සදහටම පිටවෙලා
යන්න තව මොහොතයි......





මගේ අන්තිම කතාවෙන්
සදා රැඳෙන්නට පතමින්
'ජේ' දිහා බලාගෙන
 නැවතීම තියන්නම්........

ගැටෙන ඒ අත්පොළසන්
දෝංකාරයේ හඬින්
හිතයි මට තව ටිකක්
ඉන්න තිබුණනම්........

' ඒත් මා යා යුතුයි - සදහටම වෙන්වී ඔබෙන් '

ඊයේ 'ජේ' ගේ දිනයයි උපන්
දහසක් සුබ පැතුම් මැදින්
සුන්දර වේදිකාව මත
නුඹ කවපු කේක් පිඩ අවසන්......

ඇසුවා මගේ දෙසවන්
ගිලිහුණු වදන් නුඹෙ මුවින්
ඉඩදී ගොළු වුණා හදවත
කඳුළු පොදකට නෙතගින්.........

' අනේ මැරෙන්න එපා '

'ජේ' කීවේ එච්චරයි...
ඒත් කොහොමද මං............?






 ප.ලි :
කානගී මෙලන් සරසවියේ අත්‍ය යථාර්ථය පිළිබඳ මහාචාර්යවරයෙකුව සිට තරුණ වියේදීම අග්න්‍යාශීය පිළිකාවකින් වියෝ වූ රැන්ඩි පෝෂ්ගේ මරණයට පෙරාතුව පැවති අවසන් දේශනයේ සංවේදී කතාව වෙනුවෙන්......


සුප්‍රසිද්ධ අවසන් දේශනයෙන් මාස කිහිපයකට පසු 2008 ජූලි 25 මහාචාර්ය රැන්ඩි පෝෂ් මිය ගියේය.
සම්පූර්ණ දේශනය ඉහළින්.

දේශනයේ මුල හරියයි අන්තිම හරියයි ටිකක් හොඳයි. විහිළු කතා ගොඩක් කියනවා.

3 comments:

  1. භාගයයි මලයා බැලුවේ.. වැඩ.. රෑ වෙලා ආයෙම බලන්නම්..

    ReplyDelete